/ Уйгур элинин бейзаттык маданий мурасы / Каада-салт, ырым-жырым, майрамдар
Cүннәткә олтурғузуш / Сүнөткө отургузуу
«Cүннәткә олтурғузуш» – диний негизге таянган, кеңири жайылган майрамдардын бири. Ар бир уйгур үй-бүлөсүндө уул балдар «сүннөткө олтургузуу» (хатна той) жөрөлгөсүнөн өтүшөт. Бул салт муундан муунга өтүп келген. Майрамга тууган-урук, ымалалаш достор, кошуна-колоңдор, кесиптештер чогулушат. Балага белектер жана акча тартууланат. Сүннөт жөрөлгөсүнөн кийин, адатта, үйлөнүү тоюна тете чоң той өткөрүлөт.
Аймак
Кыргызстандын уйгур коомдоштугу жашаган бардык аймактарында. Айрыкча Бишкек шаарында жана анын айланасында, Чүй облусунун Ысык-Ата жана Аламүдүн райондорунда; Ош облусунун Кара-Суу районунда; Ысык-Көл облусунун Каракол шаарында, ошондой эле Баткен жана Жалал-Абад облустарынын айрым жерлеринде
Абалы
Жандуу, кеңири кездешет
Коомдоштук
- Кыргызстандын бардык аймактарында жашаган уйгур коомдоштугу
- Салттуу билим ээлери
- Уйгур коомдоштугунун диний жана маданий ишмерлери
Коргоо иштери
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
- 1989-жылы негизделген «Иттипак» коомдук бирикмеси уйгур маданий мурасын сактоо боюнча жигердүү иш жүргүзүп келет. Маданий мурастар боюнча маалымат жана тиешелүү иш-чаралар ошол эле аталыштагы гезитте маал-маалы менен жарыкка чыгып турат.
Адабият/Шилтеме
- Асанканов, А. Кыргызстандагы уйгурлар. – Бишкек, 2014.
- Зульпикар, М. Уйгурлардын каада-салты. – Алматы: Мир, 2010.