/ Уйгур элинин бейзаттык маданий мурасы / Каада-салт, ырым-жырым, майрамдар
Бәраәт кечиси / Маанилүү түн
«Бәраәт кечиси» – Рамазан айындагы Кадыр түндөн кийинки маанилүүлүгү боюнча экинчи түн. Бул түн Рамазанга чейинки айдын ортосунда белгиленет. Эл ишениминде бул кечте адам жакшылык иштерди жасап, ден соолук, узак өмүр тилеп, күнөө жана кемчиликтер үчүн кечирим сурашы керек деген ишеним жашайт.
Аймак
Кыргызстандын уйгур коомдоштугу жашаган бардык аймактарында. Айрыкча Бишкек шаарында жана анын айланасында, Чүй облусунун Ысык-Ата жана Аламүдүн райондорунда; Ош облусунун Кара-Суу районунда; Ысык-Көл облусунун Каракол шаарында, ошондой эле Баткен жана Жалал-Абад облустарынын айрым жерлеринде кездешет
Абалы
Жандуу, кеңири кездешет
Коомдоштук
- Кыргызстандын бардык аймактарында жашаган уйгур коомдоштугу
- Салттуу билим ээлери
- Уйгур коомдоштугунун диний жана маданий ишмерлери
Коргоо иштери
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
- 1989-жылы негизделген «Иттипак» коомдук бирикмеси уйгур маданий мурасын сактоо боюнча жигердүү иш жүргүзүп келет. Маданий мурастар боюнча маалымат жана тиешелүү иш-чаралар ошол эле аталыштагы гезитте маал-маалы менен жарыкка чыгып турат.
Адабият/Шилтеме
- Асанканов, А. Кыргызстандагы уйгурлар. – Бишкек, 2014.
- Зульпикар, М. Уйгурлардын каада-салты. – Алматы: Мир, 2010.
- Абдуллаев, С. Н. Уйгурлардын лингвомаданий түшүнүгүндө «кесип – бакыт» бинардык түшүнүгү (Л. Муталлииптин жашоо жолу жана чыгармачылыгынын мисалында) // Түндүк-Чыгыш гуманитардык вестник. – 2017. – № 1 (18).URL:https://cyberleninka.ru/article/n/uygurskaya-lingvokulturnaya-kontseptualizatsiya-binoma-prizvanie-schastie-na-primere-zhiznedeyatelnosti-i-tvorchestva-l-mutallipa (кайрылуу датасы: 06.05.2025).