«Чя» – «ушалоо» дунган элинин салттуу дарылоосунда колдонулган ыкма. Бул рефлексотерапиянын жөнөкөй формасы болуп, денедеги биологиялык активдүү чекиттерди эки колдун чоң жана сөөмөй манжалары менен басып, кызарганга чейин ушалоо түрү.

Бул ыкма салттуу түрдө төмөнкү учурларда колдонулат:

• Баш ооруп, кан басым көтөрүлгөндө – чекит каштын ортосунда басылат.
• Ич ооруганда – күн нерви (солнечное сплетение) аймагына басым жасалат.
• Желке же ийин ооруларында – ийин булчуңуна басым жасалат. Бул ыкма ашказанга байланышкан ооруларды да жеңилдетет.

Негизи «чя» ыкмасы дунган элинин салттуу ишеним-түшүнүгүнө таянат. Анда адамдын денесинде ички органдар менен байланышкан чекиттер бар, ошолорго туура таасир этсе, организмдеги энергиянын айланышы оңолуп, оорулар басаңдайт, дене жеңилдеп, адамдын абалы жакшырган.