Жоолук таштамай – чүпүрөк же жоолук колдонулуучу байыркы салттуу топтук кыймыл оюндардын бири. Оюн талаа-түздө бирдей ойноло берет. Бул оюн балдардын зиректигин, сезимталдыгын, угуу жана байкоо сезимдерин өнүктүрөт.
Оюн эрежеси
Топтун ичинен бир оюнчу башчы болуп дайындалат, калган оюнчулар тегеректеше отурушат. Ал отургандардын сыртынан тегеренип жүгүрүп, жоолукту алардын биринин артына билинбей таштап кетет. Эгер оюнчу жоолукту көрүп калса, аны алып башчыны кубалап жетип, жеңил ургулап чапкылап, андан соң тез ордуна барып отурат. Эгер оюнчу жоолукту көрбөй калса, башчы айланып келип жоолукту алып, анан отурганды тургузуп ургулайт. Андан кийин ал жоолукту колго алып оюнду улантат, мурунку оюнчу болсо тегеректен орун алып, оюн уланат.
Аймак
Кыргызстандын бардык аймактарында кездешет
Абалы
Сейрек кездешет
Коомдоштук
- Салтуу кыргыз үй-бүлөлөрү
- Салттуу билим ээлери
- Мугалимдер жана дене тарбиячылар
- Фольклордук ансамблдер жана этномаданий бирикмелер
- Салтуу жаштар уюмдары жана бирикмелери
- Спорт федерациялары
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралар чанда кездешкени менен мурас жөнүндө маалымат адабий булатарда, илимий макалаларда жана дене тарбия сабактарына ылайыкталган окуу программаларында кездешет.
Адабият/Шилтеме
- Алимбеков А. Кыргыз этнопедагогикасы. – Б., 1996.
- Анаркулов Х.Н. Кыргыз эл оюндары. – Ф., 1981.
- Максутов Т. Мырсабеков А. Улуттук педагогиканын негиздери. – Ош, 1996.
- Саралаев М. Кыргыздын улуттук спортунун түрлөрү. – Ош, 1993.
- Сейдалиев К. Элдик педагогиканын булактары. – Ош, 1998.