Алты бакан селкинчек – жаштар арасында эң кеңири жайылган салттуу оюн-зооктун түрү. «Алты бакан» деген аталыш үчтөн эки жуп жыгач (бакан) тикесинен коюлуп, баштары бири-бирине таңылып, алардын ортосуна аркан керилип жасалган селкинчектен чыккан. Бул оюнда жаштар жуп-жуп болуп селкинчек тебишет, күү чертип, ырдап, тамаша айтып, бирге көңүл ачышат.
Учурунда алты бакан селкинчекти кыз оюнунда жана уруу аралык аш-той-мааракелерде жаштардын көңүл ачуучу жана баарлашуу аянтчасы болгон.
Бүгүнкү күндө салттуу таризи өзгөрүүгө учурураган, учурда жөн гана селкинчек тебүүгө айланган
Оюн эрежеси
Алты баканды орнотуу үчүн эки жуп үчтөн жыгачты тикесинен коюп, баштарын бекем таңышат. Алардын ортосуна аркан керип, ортосуна тактай отургуч байлашат. Оюнга адатта жигит менен кыз жуп болуп түшүшөт. Селкинчекти оюнчулар өздөрү тебишет, кезек менен айланып түшүшөт. Ким селкинчекти эң бийикке тебсе, ошол жеңүүчү деп эсептелет. Оюн маалында жаштар ыр ырдап, комуз чертип, күлкү-шаңга бөлөнүшөт.
Аймак
Кыргызстандын бардык аймактарында кездешет
Абалы
Унутта калган (салттуу таризи)
Коомдоштук
- Салтуу кыргыз үй-бүлөлөрү
- Салттуу билим ээлери
- Мугалимдер жана дене тарбиячылар
- Фольклордук ансамблдер жана этномаданий бирикмелер
- Салтуу жаштар уюмдары жана бирикмелери
- Маданий мейкиндиктер
- Спорт федерациялары
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралар чанда кездешкени менен мурас жөнүндө маалымат адабий булатарда, илимий макалаларда жана дене тарбия сабактарына ылайыкталган окуу программаларында кездешет.
- Маданий иш чараларда, майрам-салтанаттарда маданий мурас катары көрсөтүлүп, ойнолуп келет.
Адабият/Шилтеме
- Алимбеков А. Кыргыз этнопедагогикасы. – Б., 1996.
- Анаркулов Х.Н. Кыргыз эл оюндары. – Ф., 1981.
- Максутов Т. Мырсабеков А. Улуттук педагогиканын негиздери. – Ош, 1996.
- Саралаев М. Кыргыздын улуттук спортунун түрлөрү. – Ош, 1993.
- Сейдалиев К. Элдик педагогиканын булактары. – Ош, 1998.