/ Уйгур элинин бейзаттык маданий мурасы / Салттуу тамак-аш
Қурут
Қурут – уйгур элинин көчмөн жашоо түзүмүнө байланышкан жана коңшу элдердин таасирин да камтыган салттуу кычкыл сүт азыгы. Ал кургатылган сүзмө болуп эсептелет. Ачыган сүттөн сүзмө алынат, сыгылып, кичинеден тоголоктолуп анан күнгө кургатылат. Қурут узак убакытка сакталуучу жана азыктык наркы жогору болгондуктан, аны жолдо жүргөндө же узак сапарларда көбүнчө колдонушкан.
Бүгүнкү күндө қурут негизинен Кыргызстаннын бардык аймактарында кеңири таралган, бирок уйгур коомдоштугунун арасында анын жасоо салты алсыз.
Аймак
Кыргызстандын Чүй жана Ысык-Көл аймактарында кездешет
Абалы
Сейрек кездешет
Коомдоштук
- Кыргызстандын бардык аймактарында жашаган уйгур коомдоштугу
- Салттуу билим ээлери
- Жеке ашпозчулар жана салтуу уйгур ашкана сүйүүчүлөрү
- Уйнур коомдоштугунун маданий жана өнөрчүлөр бирикмелери
Коргоо иштери
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
- 1989-жылы негизделген «Иттипак» коомдук бирикмеси уйгур маданий мурасын сактоо боюнча жигердүү иш жүргүзүп келет. Маданий мурастар боюнча маалымат жана тиешелүү иш-чаралар ошол эле аталыштагы гезитте маал-маалы менен жарыкка чыгып турат.
Адабият/Шилтеме
- Ушуров Р. Уйгур ашканасы. – Алма-Ата, 1992.