/ Кыргыз элинин бейзаттык маданий мурасы / Салттуу оюндар
Эр эңиш
Эр эңиш – ат үстүндөгү эки жигиттин бири-бирин ээрден сүйрөп түшүрүүгө багытталган күч сынашуу оюну. Бул оюн байыркы доорлордон бери белгилүү: илгери баатырлар куралсыз калган учурда жоо менен жалаң кол күчү менен алышкан. Кийинчерээк бул көндүм спорттук оюнга айланып, жигиттерди согушка даярдоонун бир формасына айланган.
«Манас» эпосунда Көкөтөйдүн ашында кыргыз баатыры Чыноончу менен кытай дөөсү Шаңдөөгөрөм менен эр эңишке түшкөнү сүрөттөлөт.
Бул оюн жигиттерди күчкө, чыдамкайлыкка, айбаттуулукка жана баштаган күрөштү соңуна чейин жеткирүүгө тарбиялайт.
Аймак
Кыргызстандын бардык аймактарында кездешет
Абалы
Жандуу
Коомдоштук
- Жеке эр эңишчилер
- Салтуу кыргыз үй-бүлөлөрү
- Салттуу билим ээлери
- Мугалимдер жана дене тарбиячылар
- Салтуу жаштар уюмдары жана бирикмелери
- Спорт федерациялары
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралар чанда кездешкени менен мурас жөнүндө маалымат адабий булатарда, илимий макалаларда жана дене тарбия сабактарына ылайыкталган окуу программаларында кездешет.
- Маданий иш чараларда, майрам-салтанаттарда маданий мурас катары көрсөтүлүп, ойнолуп келет.
- Күнүмдүк турмушта улуу муундан жаш муунга тарбия берүү иретинде жана тажрыйба бөлүшүү жолу менен сакталып келет.
Адабият/Шилтеме
- Алимбеков А. Кыргыз этнопедагогикасы. – Б., 1996.
- Анаркулов Х.Н. Кыргыз эл оюндары. – Ф., 1981.
- Максутов Т. Мырсабеков А. Улуттук педагогиканын негиздери. – Ош, 1996.
- Саралаев М. Кыргыздын улуттук спортунун түрлөрү. – Ош, 1993.
- Сейдалиев К. Элдик педагогиканын булактары. – Ош, 1998.