«Чөп аш» – этти, жашылчаны жана камырды айкалыштырып, канык жана топуктуу даам.
Негизинен жаш козунун этин жумшарганча бышырып алынат. Андан кийин эт майдаланып тууралат. Бышкан шорпого жашылчаларды салып бышырып, аларды да майдалап туурап эт менен аралаштырылат.
Камыр үчүн камырды жука жайылып, майда тилкелерге кесилет. Алар да шорпого салып бышырылат. Андан кийин камырды бир аз шорпосу менен кошо чыгарып, эт жана жашылча менен жасалган жыттуу чык үстүнө куюлат.
Бул тамактын даамы өтө канык, табит ачар жана уйгур элинин дасторконунда өзгөчө орунду ээлейт. Айрыкча кышкысын, суук маалда денени жылыткан, тойгузуучу тамак катары кеңири жасалат.
Аймак
Кыргызстандын уйгур коомдоштугу жашаган бардык аймактарында. Айрыкча Бишкек шаарында жана анын айланасында, Чүй облусунун Ысык-Ата жана Аламүдүн райондорунда; Ош облусунун Кара-Суу районунда; Ысык-Көл облусунун Каракол шаарында, ошондой эле Баткен жана Жалал-Абад облустарынын айрым жерлеринде кездешет
Абалы
Жандуу, кеңири кездешет
Коомдоштук
- Кыргызстандын бардык аймактарында жашаган уйгур коомдоштугу
- Салттуу билим ээлери
- Жеке ашпозчулар жана салтуу уйгур ашкана сүйүүчүлөрү
- Уйнур коомдоштугунун маданий жана өнөрчүлөр бирикмелери
Коргоо иштери
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
- 1989-жылы негизделген «Иттипак» коомдук бирикмеси уйгур маданий мурасын сактоо боюнча жигердүү иш жүргүзүп келет. Маданий мурастар боюнча маалымат жана тиешелүү иш-чаралар ошол эле аталыштагы гезитте маал-маалы менен жарыкка чыгып турат.
Адабият/Шилтеме
- Ушуров Р. Уйгур элинин 1000 түркүн даамы. – Алматы: Мир, 2011.