«Тян ми тон» – дунгандардын салттуу дарылык азыгы, кыргызчага «супсак күрүч шорпо» деп которсо болот. Ага эч кандай туз да, башка кошумчалар да кошулбайт. Башкы негизги бөлүгү – күрүч кайнатмасын гана колдонуу.
Бул элдик дарыгерликте организмди чыңдоочу, иммунитетти көтөрүүчү, уулуу заттарды чыгаруучу, ашказанды бекемдөөчү жана сиңирүүнү жакшыртуучу каражат катары колдонулган. Ошондой эле ал жалпы ден соолукту чыңдоодо, айрыкча жазгы-күзгү сасык тумоого каршы пайдалуу деп эсептелген. Ал эми жайкысын «тян ми тон» суусундукту кандырган ичимдик катары да колдонулган.
Аймак
Чүй облусунун Искра, Кеңбулун, Хун Чи, Дмитриевка айылдары, Токмок шаары, ошондой эле Александровка жана Милянфан айылдарында; Ысык-Көл облусунун Ырдык айылында; Каракол жана Бишкек шаарында жашаган дунгандарда кездешет.
Абалы
Жандуу, кеңири кездешет
Коомдоштук
- Чүй жана Ысык-Көл аймактарында жашаган дунган коомдоштуктары
- Салттуу билим ээлери
- Салттуу дарыгерлер
- Улуу муундун өкүлдөрү
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралар чанда аткарылганы менен салттуу дунган ашканасы боюнчадаам-тамактарды даярдоо китептери чыккан.
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
Адабият/Шилтеме
- Юсуров Х. Ю., Дунгандардын ашканасы. – Фрунзе: Кыргызстан, 1988.