/ Уйгур элинин бейзаттык маданий мурасы / Салттуу тамак-аш
Сүт хуруж / Сүт аш
«Сүт хуруж» – уйгур элинин салттуу сүттөн жасалган кошумча тамагы. Ал ар кандай тамактарга өзгөчө жумшактык жана даам берет.
Аны даярдоо үчүн казанга жарым литр сүт куюп, кайнатылат. Даамына жараша бир аз туздуу суу кошулат. Өзүнчө идишке үч жумуртканы чалып, кайнап жаткан сүткө жука агым кылып куюп, тынымсыз аралаштырып турат. Акырында 50 грамм сары май кошулат. Ошентип, коюураак жана жыпар жыттуу кошумча даяр болот.
«Сүт хуружду» өзүнчө даам катары да, же камырдан жасалган азыктарга, эттүү тамактарга кошумча катары да колдонсо болот.
Бул даам уйгур элинин салттуу ашканасында муундан муунга өтүп келген, бирок азыр аны жайылтуу жана кайрадан элге таанытууга муктаж.
Аймак
Кыргызстандын Ысык-Көл аймагында кездешет
Абалы
Сейрек кездешет
Коомдоштук
- Кыргызстандын бардык аймактарында жашаган уйгур коомдоштугу
- Салттуу билим ээлери
- Жеке ашпозчулар жана салтуу уйгур ашкана сүйүүчүлөрү
- Уйнур коомдоштугунун маданий жана өнөрчүлөр бирикмелери
Коргоо иштери
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
- 1989-жылы негизделген «Иттипак» коомдук бирикмеси уйгур маданий мурасын сактоо боюнча жигердүү иш жүргүзүп келет. Маданий мурастар боюнча маалымат жана тиешелүү иш-чаралар ошол эле аталыштагы гезитте маал-маалы менен жарыкка чыгып турат.
Адабият/Шилтеме
- Ушуров Р. Уйгур ашканасы. – Алма-Ата, 1992.
- Ушуров Р. Уйгур элинин 1000 түркүн даамы. – Алматы: Мир, 2011.