/ Дунган (хуэйзў/хуэйцзу) элинин бейзаттык маданий мурасы / Салттуу билимдер жана тажрыйбалар
Санйуә / Топинамбур
«Санйуә» – бул топинамбур, аны сөзмө-сөз которгондо «тоолук дары» дегенди билдирет. Ал дунган элинин элдик дарыгерчилигинде өзүнүн дарылык касиеттери үчүн кеңири колдонулган, айрыкча кант диабетине каршы («тон нё бин»).
Топинамбурду чийки, туздалган, бышырылган, бышып куурулган жана кургатылган түрүндө жешкен. Бул азык кандагы кантты азайтып, тамак сиңирүүнү жакшыртат жана иммунитетти чыңдайт деп эсептелген.
Аймак
Чүй облусунун Искра, Кеңбулун, Хун Чи, Дмитриевка айылдары, Токмок шаары, ошондой эле Александровка жана Милянфан айылдарында; Ысык-Көл облусунун Ырдык айылында; Каракол жана Бишкек шаарында жашаган дунгандарда кездешет.
Абалы
Жандуу, кеңири кездешет
Коомдоштук
- Чүй жана Ысык-Көл аймактарында жашаган дунган коомдоштуктары
- Салттуу билим ээлери
- Салттуу дарыгерлер
- Улуу муундун өкүлдөрү
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралары аткарылбайт.
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
Адабият/Шилтеме
- Талаа изилдөө материалдары