«Линдонзы» – кичинекей коңгуроолор. Алар келин болчу жаш кыздын өрүм чачына тагылуучу жасалгалардын бири болгон. Ошондой эле кош-кош болуп сайма түшүрүлгөн шымдын этегине, кээде келиндин саймалуу кездеме бут кийимине («хэ») да тагылчу. Ары-бери жүргөндө коңгуроолор шыңгырап, өзүнүн жагымдуу үнү менен жаман күчтөрдү кууп турат деген ишеним болгон.
Мындай коңгуроолор кичинекей балдардын кийимине да тагылчу. Бир жагынан жаман көздөн сактап турса, экинчи жагынан баланын кыймылын, жүргөн жерин билип турууга жардам берген.
Аймак
Чүй облусунун Искра, Кеңбулун, Хун Чи, Дмитриевка айылдары, Токмок шаары, ошондой эле Александровка жана Милянфан айылдарында; Ысык-Көл облусунун Ырдык айылында; Каракол жана Бишкек шаарында жашаган дунгандарда кездешет.
Абалы
Жоголуу коркунучунда
Коомдоштук
- Чүй жана Ысык-Көл аймактарында жашаган дунган коомдоштуктары
- Салттуу билим ээлери
- Кол өнөрчүлөр
- Зергерлер
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралары аткарылбайт.
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
Адабият/Шилтеме
- Шинло, Л. Т. Культура и быт советских дунган. – Фрунзе: Илим, 1965.