Да җя / Көп бүлөлү үй-бүлө же салттуу үй-бүлө
Дунган айылдарындагы коомдоштуктарда бүгүнкү күнгө чейин сейрек болсо да « көп бүлөлү үй-бүлөлөр» кездешет. Бул бир нече муун бирге жашаган үй-бүлөлөр: чоң ата, чоң эне; ата-эне жана алардын уулдары (бир туугандар) жубайлары жана балдары менен. Мындай үй-бүлөнүн башчысы – эң улуу муундун өкүлү болуп эсептелет.
Аймак
Чүй облусунун Искра, Кеңбулун, Хун Чи, Дмитриевка айылдары, Токмок шаары, ошондой эле Александровка жана Милянфан айылдарында; Ысык-Көл облусунун Ырдык айылында кездешет.
Абалы
Сейрек кездешет
Коомдоштук
- Чүй жана Ысык-Көл аймактарында жашаган дунган коомдоштуктары
- Салттуу билим ээлери
Коргоо иштери
- Маданий мурас катары изилдөө, сактоо жана өнүктүрүү боюнча атайын демилгелер жана иш-чаралар дээрлик аткарылбайт.
- Күнүмдүк турмушта улуу муундан жаш муунга тарбия берүү ирээтинде жана тажрыйба бөлүшүү жолу менен сакталып келет.
Адабият/Шилтеме
- Джон А.А. Дунгандардын каада-салттары, ырым-жырымдары жана ишенимдери. – Бишкек, 2016.